საბუნებისმეტყველო კათედრა

                             ღია გაკვეთილები ქიმიაში               
    7 აპრილს IX-4 კლასში   ჩაატარა ღია გაკვეთილი თემაზე ნაერთთა კლასები(პედეგოგი ნინო ჩიჯავაძე). ჩატარდა სადემონსტრაციო ცდა. გაკვეთილს ესწრებოდა ქალბატონი ციცინო მაღლაფერიძე. გაკვეთილზე გამოყენებულ იქნა რესურსები, კერძოდ ინდიკატორები, ცხრილები და ბავშვების მიერ მომზადებული პლაკატები. შედეგი იყო თვალსაჩინო, რადგან ბავშვებმა შეძლეს მოეხდინათ ნაერთთა კლასების კლასიფიკაცია და ერთმანეთთან დაკავშირება.

 

  ნინო ჩიჯავაძემ IX-3 კლასში ჩაატარა გაკვეთილი თემაზე ატომის აღნაგობა. ბავშვებმა გააკეთეს ატომის მოდელები, თვალსაჩინოებისთვის პლაკატები და ცხრილები. მოსწავლეებმა შეძლეს გაერჩიათ ცნება ელექტრონი პროტონი და ნეიტრონი. შეექმნათ წარმოდგენა ატომის აღნაგობის შესახებ, მოიძიეს ინფორმაცია ატომის სხვადასხვა მოდელები.

  „ეკოვიზია“

მედია პროექტში -„ეკოვიზია“ რომელიც ხორციელდება არასამთავრობო ორგანიზაცია ECOVISION-ის საერთაშორისო სასკოლო პროექტის SPABE ფარგლებში მიწვეულნი იყვნენ                                                                                                              
 51-ე საჯარო სკოლის მოსწავლეები, რომლებმაც ისაუბრეს ჭარბტენიანი   ტერიტორიების მნიშვნელობაზე , კოლხეთის ეროვნულ პარკზე და მოსწავლეების როლზე ჭაობის ეკოსისტემის შენარჩუნებაზე, აგრეთვე ქარის ენერგიაზე და კატასტროფებზე.  

პროექტი   „ბიომრავალფეროვნება და მისი დაცვა“                                                                                                                                          

     VI-8 კლასმა (მასწავლებელი ნ.ლომინაძე), აპრილის თვეში, განახორციელა პროექტი“ბიომრავალფეროვნება და მისი დაცვა". პროექტის ფარგლებში მათ ჩაუტარდათ გასვლითი გაკვეთილები თბილისის ბოტანიკურ ბაღში, თბილისის ზოოლოგიურ პარკში, ტერარიუმში. გაკვეთილების დროს მოსწავლეები გაეცნენ მსოფლიოს ფლორისა და ფაუნის მრავალ საინტერესო წარმომადგენლებს, იმ ფაქტორებს,რაც საფრთხეს უქმნის მათ გავრცელებას დედამიწაზე. სხვადასხვა წყაროს გამოყენებით   მოამზადეს პრეზენტაცია საქართველოს წითელ წიგნში შეტანილი ენდემური მცენარეებისა და ცხოველების შესახებ.